Cerita cerita sikit..

Assalamualaikum! Ive been staying at Jirin, Erman and Melo's house di Canterbury since last friday. So far siuk lah stay ku as usual. Ive been lazy though time cuti ani. This post ani pun just to let some time by.. Lately ive got this thing on my mind, making me kusut lah jua.. so if anyone sees me looking like im down or deep in thought or macam in sombre mood, dont worry lah. Im just memikirkan hal keduniaan.. Aiseh! Well, since im blogging ani, I guess i might as well toss in a story or two.. Kajap ah, menghirup teh dulu..

Right, im sure all of us pernah do some sort of mischief time damit damit dulu (some more than others) .. Apa jua inda, kanak kanak pintar selalunya gauk lah, makin pintar makin gauk.. inda jua kan di doakan supaya tuyu kan? Iatah, I must admit, me and my brother teramat gauk lah time 5-6 years ago (masa ani pun gauk jua masih lah, mudahan jua anak-anak ku nda mewarisi luan banyak deh.. Jauh palis!!) Anyways, i have about 20 cousins lah and that is balah bonda ku baru, yang balah my father basar basar udah.. Since my siblings are the eldest cousins, kami tah conquer jadi kepala angkatan cucu Pengiran Hj Ismail bin Pengiran Hj Sabtu. Dan sebagai cucu-cucu lelaki paling senior, hobi me and my brother ialah menganiaya cousin yang lain (udah menangis oleh kami baru tah kami run for cover..) Siuk lah main atil-mengatil. Especially time ada family gathering. meriah tah tu kanak kanak berlusir lusir sana sini umpama babun yang jubur nya terpalit lada padi.. Siuk ada jua tapi selalunya membari gergitan and sakit kepala ibarat nyanyian William Hung..

Anyways, i still remember lah time kami ada majlis arah my Ngangah. Time atu aku chill dalam bilik my sepupu, skali tarus tarus my brother masuk macam orang guilty.. Lebih kurang macam Scofield dalam Prison Break.. Ku tanya arah kedidia kenapa ia cematu. Rupanya ia bagas mengatil my cousin sampai menangis.. Apa lagi, marah lah my Tua.. My tua ani bagus urang nya, iatah jadi Judge Dredd di rumah abis nini dulu.. Judge, Jury and Executioner.. Haha, tukang disiplin lah pokoknya.. Beliau memang digeruni kanak kanak family PIF (Pengiran Ismail & Fatimah) mun ternampak sikit matuka BMW nya masuk geres, berlusir tah kami bertapuk and berlakon jadi budak budak soleh dan solehah. Anyways, iatah my Tua atu kan punish my brother, biasanya kana suruh duduk dalam surau and baca surah banyak banyak (bagus jua tu!!). Tapi me ada buah fikiran la kan selamatkan my brother ani. Me suruh ia dress macam orang Alim: Bertasbih, berkain sembahyang and bertopi haji.. For final touch, ku pasang watercolour purple arah dahinya (kira takah kuat sembahnyang lah tu). So udah atu, ku gitau my uncle my brother (Si Awie namanya) ada dalam bilik my cousin. Time my uncle masuk bilik, memang ia marah, tapi aku konfiden plan ku ani pasti akan berada di ambang kejayaan. Nah, udah ia liat my brother cematu dengan senyuman yang manis menusuk jiwa, terkidum then ketawa tah my uncle. tapi lapas atu nampak ia struggle untuk stop ketawa. kan cuba marah balik tapi apakan daya, cali bah!! my brother lagi buntak and bulat time atu.. So off the hook lah si Awie thanks to abangnya.. Anyways, ku suruh si Sofi buat komik pasal hari atu..


Macam miatu tah cerita ku kali ani. Ginis kan? Bah, minta diri abis peramba dulu ah.. Kusung parut nyanta!!